(اوصاف نیوز) رومانیہ کے وزیر دفاع نے اپنی سی وی میں غلط بیانی پر استعفیٰ دے دیا۔غیر ملکی خبر رساں ایجنسی کےمطابق رومانیہ کے وزیر دفاع آئنوٹ موسٹیانو( Ionut Mosteanu) نے اپنی سی وی میں غلط معلومات دینے کے تنازع کی وجہ سے اپنے عہدے سے استعفیٰ دے دیا ہے۔
رومانیہ کے وزیر دفاع نے سماجی رابطے کی ویب سائٹ فیس بک پوسٹ میں کہا کہ سی وی میں غلطی سے ایسی یونیورسٹی کا ذکر کیا جس میں کبھی گیا ہی نہیں۔میں نے اپنے عہدے سے استعفیٰ دے دیا ہے، چاہتا ہوں کہ رومانیہ اپنے مشکل مشن پر پر کوز رہے۔
انہوں نے کہا کہ رومانیہ اور یورپ، روسی حملوں کی زد میں ہے، رومانیہ کی قومی سلامتی کا ہر قیمت میں دفاع کرنا چاہئے
خیال رہے کہ رومانیہ کے وزیردفاع آئنوٹ موسٹیانو کے سی وی میں جھوٹ لکھنے پر تنازع کھڑا ہوگیا تھا۔
